SEVİN Kİ, SEVİLƏSİZ....
یارادیجیلیغی
زائـــور اوستاج
بایاتیلار
مه ن عاشیق گول له ر اینجه
نازین چه ک بیرجه - بیرجه
گؤز اؤنونده ال چاتماز
حالیمی بیله بیرجـه...
* * *
مه ن عاشیق گول ئوزونه
حه س ره ته م گول ئوزونه
روحوم راحاتلیق تاپار
ئوز توخونسا ئوزونه...
* * *
مه ن عاشیق گول ئوز یارا
خوش سیما گول ئوز یارا
ائله سئحره دوشموشه م
سونو قالیب روزگارا...
مه ن عاشیق گول ئوزونه
نیسبه ت یوخ گول ئوزونه
هه رده ن چیخ یئل توتانا
مئه ده ی سین گول ئوزونه.
* * *
مه ن عاشیق گول ئوزونه
حه س ره ته م گول ئوزونه
گه ل ره حم ائیله عاشیقه
ئوز قویوم گول ئوزونه.
* * *
عه زیزیم دیزین اوستو
نه ایستی دیزین اوستو
باش قویسام دیزین اوسته
آرزومون اولماز اوستو.
عه زیزیم شه ن به گولو
ده رماندی شه ن به گولو
صاباحین خئییر گولوم!
بو اؤزه ل شه ن به گولو.
* * *
مه ن عاشیق بازار گولو
گؤرمه سین آزار گولو
هه ر گولون اؤز آنلامی
ایشته بیر یازار گولو.
* * *
مه ن عاشیق گول ئوزونه
آی اولدون گون ئوزونه
هه رده ن نیقابین قالدیر
قوی دوشسون گون ئوزونه.
مه ن عاشیق نار بولاغا
ته ش نه یه م نار بولاغا
ته ماسدان دوداق یانار
توخونسـا نار بولاغا.
* * *
مه ن عاشیق نار بـولاغا
داش دوشه ر نار بولاغا
گؤره ن گؤزله ر قان آغلار
یاش دوشه ر نار بولاغا.
* * *
مه ن عاشیق گول اؤزونه
بال دیله بال سؤزونه
یاتیرام کی رؤیادا
ئوز قویام گول ئوزونه.
مه ن عاشیق بئـلـه سینـه
جان قوربان بئـله سینـه
خالی حاق قه له مینده ن
کیمده وار بئـله سینه؟؟؟
* * *
مـه ن عاشیقـه م بو واختا
بو زامانا بو واختا
اینان روحوم گه ل مه ییــر
جیسمیم اولدوغو تاختا.
* * *
مه ن عاشیق صوبح چاغینا
ائنه ی دیم یار باغینا
آلمـا جاوان ساخلاییر
نار داددی داماغینا.
عه زیزینه م بال چیچه ک
دوم آغ چیچه ک ؛ آل چیچه ک
ته ضادلار اوزدی مه نی
گه ل جانیمی آل چیچه ک
* * *
عه زیزینه م بال چیچه ک
شه که ر چیچه ک بال چیچه ک
بیلیر سه ن قولاق سه س ده
نئچین اولدون لال چیچه ک...؟!
* * *
عه زیزیم بئله سینه
دولان گه ل بئله سینه
جانـی قوربان ائده سن
یئنــه آز بئله سیـنه.
عه زیزینه م بال چیچه ک
ماتاف چیچه ک بال چیچه ک
قولاغیما دوشه ن سه س
هاچان اولاجاق گئرچه ک؟!
* * *
عه زیزینه م بال چیچه ک
باغریما خال دوشه جه ک
سوکوتون عه ذاب وئریر
اولموشام بیحال چیچه ک
* * *
عه زیزینه م بال چیچه ک
هه م گؤزه ل سه ن؛هه م گؤیچه ک
دئییره م نه اولاردی
رؤیام اولاردی گئرچه ک؟!
عه زیزینه م بال چیچه ک
موشکو قوخار هه ر له چه ک
ایذین وئر عه ط رین آلیب
دونیادان راحات کؤچه ک
* * *
عه زیزیم بال چیچه ک دی
هه م اینجی هه م اینجیک دی
ائسه ن یئل له ر قارسی ییب
ایندی یامان اورکه ک دی
* * *
عه زیزینه م بال چیچه ک
نه فیس دی نه فیس چیچه ک
تانریمین مؤع جوزه سی
گؤرونمه میش بی گئرچه ک
عه زیزینه م بال چیچه ک
گه ل باخما اورکه ک -اورکه ک
قیسمه ت اؤز الینده دیر
ایسته تانری وئره جه ک
* * *
عه زیزینه م بال چیچه ک
ساغیم چیچه ک سول چیچه ک
ایسته میره م هئچ بیرین
ته ک سه ن مه نیم اول چیچه ک
* * *
مه ن عاشیق بال چیچه ک ده
مین بویو هه ر له چه ک ده
دئوین جانی شوشه ده
مه نیم جانیم چیچه ک ده
عه زیزینه م بال چیچه ک
چیچه ییم له چه ک - له چه ک
آی اوزون گؤرسه ت سه نه
بیزده بیر بایرام ائده ک
* * *
مه ن عاشیقه م بال چیچه ک
هه ر له چه یی بیر چیچه ک
ته ر تاجینین شه ب نه می
ده رده ؛ده رمان وئر ایچه ک
* * *
مه ن عاشیق بال چیچه ییم
یاناغی آل چیچه ییم
ده ریا دوشوب آرایا
یوخدور بیر سال چیچه ییم
مه ن عاشیق بال چیچه ییم
له چه یی آل چیچه ییم
به د یئل له رده ن اوزاق اول
داییم اوجال چیچه ییم
* * *
عه زیزیم بال چیچه ک دی
قؤنچه دی ته ر چیچه ک دی
دوزو هئچ اینانمازدین
بونجا چه ک دیره جه ک دی
* * *
مه ن عاشیق بال چیچه ییم
هه ر ده م خه یال چیچه ییم
گه ل هئچ اولما به د گومان
جاه و جه لال چیچه ییم
مه ن عاشیق بال چیچه ییم
قه ل بیمده خال چیچه ییم
شه که ر نابات ؛قه حه ط دی
یئت دادا بال چیچه ییم
* * *
مه ن عاشیق بال چیچه ییم
ال چاتماز دال چیچه ییم
مئه له گه له ردی صئدان
اولموسان لال چیچه ییم
* * *
مه ن عاشیق بال چیچه ییم
باغری خال خال چیچه ییم
تانریدان بیر آرزیم وار
سولما شوخ قال چیچه ییم
مه ن عاشیق بو جه مالا
بو حوسنه بو جه مالا
تانریم ائیله سین آینان
حه س ره ت قالمام جه مالا
* * *
مه ن عاشیق آیدین اولسون
گون دوغسون آیدین اولسون
مه ن یانیم مه ش عه ل کیمی
هه ر گونون آیدین اولسون
* * *
مه ن عاشیق قؤنچا گوله
هه م گؤزه ل اینجه گوله
مه ن دوشدویوم دورومو
او گؤزه ل بیرجه بیله
مه ن عاشیقه م بو گونه
بو ایشیقا بو گونه
بولود گیریب آرایا
آی حه س ره ت دیر گونونه
* * *
عه زیزینه م گول خه ط می
ده رده ده رمان گول خه ط می
نه یازیلیب عه لادا
کاش بیله ی دیم به خ تیمی
* * *
مه ن عاشیق اود ایچینده
هه ر یان سوکوت ایچینده
بیر حه نیرتی به ک له ره م
میلیون صئدا ایچینده
مه ن عاشیق بو گئجـه یه
بو گونه بو گئجـه یه
گونله ر صه فه دوزولدو
تئز چاتا او گئجـه یه
* * *
مه ن عاشیق شئح چیچه ییم
گون آیدین!- شئح چیچه ییم
سوکوت سه نه یاراشمیر
بیر دیل له ن شئح چیچه ییم
* * *
عه زیزینه م او گونه
او گئجه یه او گونه
تانریا قوربان دئدیم
تئـز یئتیره او گونه
حه س ره ته م او گئجه یه
او گونه او گئجه یه
ائریدیره م گونله ری
تئز یئته م او گئجه یه...
* * *
مه ن عاشیق گوله بئنده م
اوباما ائله بئنده م
دونیــا دوشــوب گؤزومده ن
بیر شیرین دیله بئنده م
* * *
مه ن عاشیقه م بو مئهه
بو سه حه ره بو شئحه
دوداق ایستـه ر توخونسـون
قوزئی ده کی او زئه
مه ن عاشیق قیزیل گوله
ایسته ره م ئوزون گوله
ائله شیرین دانیش کی
دوداقداسؤزون گوله
* * *
عزیزیم گوله بوله ن
خوش شیرین دیله بوله ن
او یارا جان قوربان ائت
سئومه یی بیله بیله ن
* * *
آی گوله ر ئوز نازه نین
بو کؤنول چوخدان سه نین
هئچ اوتانیب چه کین مه
قه ط عی اولسون سؤزله رین
مه ن عاشیق بو گئجـه یه
گئجـه به ن زه ر گئجه یه
ایسته ره م تئـز یئتیشه م
به ن زه رسیز او گئجـه یه...
مه ساج
بایاتیلار که رپیج که رپیج
قوپوب دوشدو جان ائویمده ن
هه ر بیریسی بیر نامه دی
آنینداکی او حالیمده ن
رئداکتـــور و رســـام : شهین ثنایی فرد
زائـــور اوستاج
“BAYATILAR” \ “بایاتیلار”
کومپوتئرده ییغــدی: گولو
=======================================================================================
سئو
سه ن سئو؛سه نی سئوه نی؛سئچیبدی سئوگی سه نی
سئومه یه نی سئوه ن له ر؛سئوگی سینده سوچلودور...
سئودی یینی سؤیله یه ن؛سئچیبدیسئوگیسینی
سئوگیسین سئزدیرمه یه ن؛سئوگیسینده سوچلودور...
***
سئوگی ؛سئویب...سئویلمه ک؛سئوه نین سئوینجیدیر؛
سئوگی ؛سونسوز سه خاوه ت؛سئودانین سونوجودور؛
سئوگی ؛سونا سه رمایه؛صاباحین سولقوجودور؛
سئوگیسین سئزدیرمه یه ن؛سئوگیسینده سوچلودور...
***
سئودالینین سئوگیسی؛سیرلی؛سونسوز؛سینیرسیز؛
سئویب؛ سئزدیرمه مه ییسولطانلیق می سانیرسیز؟؟؟؟
سئومه یه نی سئومه ییصئداقه ت می ساییرسیز؟؟؟؟
سئودی یینی سئودیره ن سئوگیسینده سوچلودور....
زائـــور اوستاج
===================================
گؤزون گؤزو
گوله ن گؤزون گؤزه ل لی یی گؤزه ل دی
گوله ن گؤزوگؤرونمه یه ن گؤز گؤره ر....
گؤزون گولور؛گؤزون گؤزو گولمه ییر؛
گؤزده گؤزو گؤرونمه یه ن گؤز گؤره ر...
***
گؤزو گؤزده ن گؤزون گؤزو گیزله دیر؛
گؤزده گؤزو گؤزون گؤزو گیزله دیر؛
گؤزون گؤزو گؤزوموزده گیزلی دیر
گیزلی گؤزو گؤرونمه یه ن گؤز گؤره ر...
***
گؤی گؤز گیریان؛گؤزو گؤزده ن گولومسه ر
گوله ن گؤزون گؤزو گؤزده ن گولومسه ر؛
گولمه یه ن گؤز ؛گؤزه گؤزده ن گولومسه ر؛
گیریان گؤزو گؤرونمه یه ن گؤز گؤره ر….
زائـــور اوستاج
======================================================================================
زائور اوستاج
"علیش و آننا"
(پوئما)
(پوئما)
بیلدییینیز کیمی ایکی مین ایرمی ایکی(2022)جی ایلده,علیش به ی؛که ره م لی نین(اونو اروپا دا آلیس کیمی تانیانلار)آنادان اولماسی نین یئئدی یوز(700)ایلی تامام اولور. پوئما گؤرکه م لی معمار شاماخی لی علیش به ی سوبحان اوغلو؛که ره م لی- شیروانی نین؛آنادان اولماسی نین 700 ایل لی یی موناسیبه تیله قه له مه آلینمیشدیر.
2018/06/07(19:00) باکی
شوکرانلیق
سلام اولسون سه نه ای گؤزه ل اینسان؛
مین شوکور حاققاکی؛حاققاچاتمیسان.
حه له گؤرونمه ییب؛اولسون بئله حال؛
بیر کیتاب اوخویان گؤره قئیل وقال.
بوتون عورفان اهلی بو رای ده یئک دیل؛
کیتاب سایه سینده؛زه ن گین له شیر دیل.
شوکور یارالدانا قیلیبدیر ایمکان؛
بئله بیر گؤروشو ائدیپ آرماغان.
هر یئنی فورصه تی مه نه وئره ن ده؛
ایلکین شوکرو ثنابیتیر دیلیمده.
لینده ن توتدوغون بیر ییغین کاغیذ؛
کیتاب اولاجاقدیر دیندیکجه آغیز.
قوتلو یارانیشین اشرفی اینسان؛
عالی اولدوغونو خاطیرلا هر آن.
آند گه ل دی قه له مه؛قه له م توتانا؛
قه فیل له ر اویانا بلکه اوتانا.
وخوماق اؤیره تدی ؛یازماق اؤیره تدی؛
قوروجا تاختادان بیر دیل اوره تدی.
کاغیذی موقه دده س بیلمیشیک هر واخت.
اوستونده جانلی سؤزیاشاییر حیات.
شوکور بو نعمه ته شوکورقیسمه ته.
ایسده ره م بوپایدان هامییا یئته.
شوکوریارالدانا نئچه کی ساغام؛
اونون ساراییندا سیزه قوناغام.
مه ن یازیم بولاقلارسوزولسون گؤله؛
میرواری کلمه له ر دوزولسون دیله.
مین شوکورحاققا کی دیل وئریب بیزه؛
سیزین له گؤروشه یول وئریب بیزه...
توحید
اوجا یارالدانین تک اولدوغونا؛
نه باده قه ل بینده شوبهه اویانا.
چون اگر اولسایدی خیلاف قئیریسی؛
بونو آنلایاردی موطله ق بیریسی..
گونه شین ساعتی آیین ساعتی؛
چوخ دقیق دؤنده ریر؛توم کایناتی.
ائله قورولوب کی؛نیظام محوری؛
گئجه ی له ؛ گوندوزون سهو دوشمه ز یئری.
ذرره ده ن ان بؤیوک اولدوزا قه ده ر؛
بیر؛؛اول؛؛-آ باغلیسا؛اوندا نه که ده ر...
حمد اولسون آللاها تانیریق اونو؛
هر کلمه باشیندا آنیریق اونو.
تک دیر احتیاج سیز؛بیز اونا ؛ باغلی؛
بونجا درک ائیله یه ر اینسانین عاغلی...
عدل
شوکور یارالدانین عه داله تینه؛
اوعادیل آللاهین مه ر حه مه تینه.
ائله بؤلوشدوروب ائله پایلاییب ؛
هامی قیسمه تینده ن چوخ راضی قالیب.
دویورامایچینی شوبهه گه میریر؛
خه یالین هارداسا ناراضی گه زیر
گه ل تامام صه میمی اولاق بوآرا؛
عاغلیندان راضیدیر هر بیر آوار
عاغلی ائله بؤلوب وئریب یارالدان؛
هئچ کیم اؤز عاغلیندان دئییل بدگومان.
یلاهی حیکمه تین قودره تینه باخ؛
عاغیلدان کم له رده دئییلمیش آحماق.
عاریف ایشاره ت ده ن آنلار حیکمه تی؛
هئچ کیم بو خوصوصدا یئمه ز مؤحنه تی…
نبوت
سلام اولسون سه نه ای حاققین سه سی .
جلال صاحیبینین سئچکین بنده سی.
محمد مصطفی (ص.ه)حاققین نبی سی,
بوتون کائناتین سون ائفئندیسی.
حاققین یئراوزونه موژده سی آندی,
حاققین یئر اوزونده قوشا قانادی.
سلام اولسون سه نه کیتاب صاحیبی,
سلام اولسون سه نه سونون جو نبی
قورآن - کریمی بیزه گه تیره ن,
حاققین کلامینی بیزه یئتیره ن,
خاتم الانبیا حکم ائدیبدی حاق
حؤکوم صاحیبینه مخصوص حؤکوم حاق.
سلام یئر اوزونون ایشیغی نورو,
ای حؤکوم صاحیبی بو نورو قورو.
امامت
نبوت اودوندان نورآلان ایشیق,
آتادان بابادان بئله دویموشوق.
رسولون دیزینین دیبینده ن چیخان
, چئشمه دیر هئچ کیمه گه ل مه ییب زیان...
نومونه اولوبدور جومله جاهانا,
البته عاییددیر عاریف اولانا.
امامت جیغیردیرحاققا آپاریر,
البت, قایناغینی حاققیمدان آلیر…
ده میـری ده میـرچی اوغلو بیله ن تک,
بو علمی,ان دوغرو یولدان اؤیره نه ک.
ایسته مه م بو یولـدا چاشقین لیق اولا,
اینجه جیک بیــر فیـدان ناحاقدان ســولا.
علمین شه هه رینین تک دیر قاپیســی,
بو ایشین بئله دیـر ته مه ل, یاپیســی...
سلام اولسون سه نه ای اهل بیت,
آللاهیــم بو یـولـو ,داهـا روان ائت…
معاد
معلم وئردی یی ده رسی سوران تک,
البته ایمتاحان گونو گه له جک.
سانما کائناتین یوخدو صاحیبی؛
بوشونا گه ل مه ییب بو قه ده ر نبی...
حه له کی دعوت وار آچیقدیر قاپین,
ده رک ائیله دونیانی آللاها تاپین.
حقیقی علم ده ن بیر داملا دادان,
هئچ زامان دؤنمه ییب بو دوغرو یولدان.
بو یولون مه ن سه بی ائله مه ن به یی,
بوردا که سیلیبدیر علمین گؤبه یی...
حاق ایله باطیلین مایاسی عئینی.
ایکی یه بؤلونموش سونو...
قضا و قه ده ری قیلما بهانه,
فاعیلی موختار تک گه ل دین جهانه...
ناماز
ناماز فرض عمل دیر,بیزه فایدالی؛
ده سته ماز واجیبدیر, موطله ق اولمالی .
ناماز به ن زه دیلیب ائومیزده چایا,
گه ره ک دیر بئش که ره گیــره ک بو ســویا...
روحوموز آرینسین پاک اولسون بدن,
تکبیــرده ال له ری آسمایاق گؤیده ن.
غوسلو, آب ده س تی ,تام عمل له ری,
مات قویوب دونیــادا توم عالیم له ری.
هئچ نه اسکیک دئییل, یوخ بیــرجه آرتیق,
نامازدان حه یاتین ده رسین آلاریق.
ایمکان ائت خرج له مه بوشا زامانــی,
حه یات ائله زامان زامانین آنــی.
چالیش کی اؤتورمه بیـرجه آذانی.
آج قویما نه روحو نه ده اعضانی.
اوروج
اوروج بیر امردیر حق - تعالادان,
اینسانی قورویار,مین جور به لادان.
ائله کی یئتیشدی شاه - رمضان,
گه ره ک دیر نه ف سینی دوشاقلایاسان...
جیسمینی ؛ روحونو؛ سه فه ر به ر ائیله,
آغزینی گؤزونو پرهیزگار ائیله...
دیلینده ن چیخماسین فیتنه یا کوفور,
چئهره نی ساریسین خوش نیت ذیکیر…
زکات
اگر ایسده ییــرسن روزی - برکت,
گه ره ک کی واختیندا وئریله زکات.
بیلیره م بورادا قاچدی دوداغین,
دوشوندون کی شاعیر چیخارتدی آغین...
آنجاق تام صمیمی گه ل مه نه اینان,
کیمسه یه فایدا یوخ زکات سیز مالدان...
سه ن وئردین,وئرمه دین,چیخاجاق او مال,
اؤزون الین له وئر,ثاوابینی آل...
خمس
زکاتلا مالینی قورویان اینسان,
خمس ایله جانینی قورومالیسان.
زکات مالا, پاک لیق گه تیردی یی تک,
خمس ده جانینی حیفظ ائیله یه جک...
سونرا لقمان طبیب گه زمه سین دئیه,
لازیم دی هئچ کیمسه خومسو یئمه یه...
حج
هاچانسا عیبره ته دویسان احتیاج,
ایلاهی امر وار - یولون اولسون حاج...
دونیانین مرکزین زیارت ائیله,
کؤنول سارایینی عمارت ائیله.
زمزم چئشمه سینده یویولسون ئوزون,
معاد صحنه سینه آلیش سین گؤزون…
جهاد
جهادبیزیمله دیر داندان غوروبا,
چوخونون دیلینده بیتیب دی "طوبی ".
یارالدان درس وئره ر اینسان اوغلونا,
مین رحمت دیله یه ک آغا اوغلونا...
روحو نئچه که ره اولوب قوناغی,
ائدیم ائتمه ییمله دولوب اوتاغی...
بو بیر نومونه دی هامیمیز بئله,
جهاد قاداغادیر نه ف سه,دیله...
جهاد ائشیده ن تک,غوغا دوشونه ن,
جهاددا اؤزونله دؤیوشمه لی سن...
امر به معروف
شوکور یارالدانا,سه ن حیکمه ته باخ,
خئیر عمل له ره داییم توت چیراق.
واجیب بویورولوب هر موسه ل مانا,
گه ره ک دی خئیره وسیله اولا.
یاخشیلیق الینده ن گه ل میرسه اگر,
پیسلیقده ائله مه باشینا گه له ر...
فقط بو واجیبدیر گه ره ک بیله سن,
خئییره چاغیریب , دعوت ائده سن.
بو واجیب عمل دیر گه ره ک دیر بیله ک,
خئییره چاغیراق,خئییر اؤیره ده ک...
نهی از منکر
ویجدانین یئرینی اعضادا گه زه ن,
حاققا اینانانین اومیدین اوزه ن,
بو واجیب عملی اونوتما هئچ واخت,
ابدی دئییلدیر هئچ بیر تاج و تاخت...
اؤزونو مسلمان تانیدان که سین,
گه ره ک دیر یانیندا پیسلیک اولماسین.
پیس ایشده ن چه کین سین,هم چه کیندیرسین,
بونو بیله ن یوخسا قوی بئله بیلسین...
یولدان اؤته نی ده قورویون شه رده ن,
اؤزونوز حاقدادا دوشونون هر ده ن...
تولی
آللاهین دوستلاری دوستون اولمالی,
ایلک اول آللاهین دوستلارین تانی.
جلال صاحیبینه شریک قوشمایان,
نبی یه,ایماما شک سیز اینانان,
موس لیمی موس لیمین قارداشی بیله ن,
موباره ک ایسلامین یولویلا گئده ن...
اوتوروب -دوردوغون اولسا بو شخص له ر,
کیمسه یه توخونماز سه ن ده ن ؛بیر خطر.
چئوره ن ده دوستلارین دینسه علمده ن,
هر دم دورر تؤکولسه اگر دیلینده ن,
نه خوش حالیمیزا به خ ته وه ریک بیــز,
آللاهین دوستلارین دوست سئچه ریک بیــز…
تبری
جلال صاحیبینه شریک قوشانلار,
اونون دوستلارینا پیس یاناشانلار,
اندازه نی پوزوب حه ددین آشانلار,
یئرسیز کؤروک له نیب , جوشوب داشانلار,
بئله آداملاردان, اوزاق ,دولان گه ز,
حدسیزده ن کیمسه یه,بیر خئییر گه ل مه ز...
بو حاققین امریدیر, قارشی گه ل مه ریک,
آللاهین دوشمه نین دوشمه ن بیله ریک.
مناجات
شوکورده ن گوج آلیب سؤزوم صؤحبه تیم,
سه ن ده ن گیزلی دئییل شک سیز نیی یه تیم.
قلب له رده اولانی,گؤروب,بیله رسن,
کیمه نه لازیمدی اونو,وئره رسن.
یازار آنجاق یازار دئمیشه م هر دم,
قه له مه آند ایچه ن اوجا یارالدان,
موناجاتا چیخیب بو, قه له م توتان...
ال له ریم گؤیده دیر,دیلیم دوعادا,
دوعا ائیله ییره م قوهوما یادا...
شاماخی تورپاغی قه دیم ده ن قه دیم,
خاقنیسی مه نیم نه سیمی مه نیم...
باشقا بیر دوهانی گه زیره م بوردا,
تاریخین که له فین چؤزوره م بوردا,
اوستونده دوردوغوم بو,
کهنه کؤرپو یوز ایل له ر اووه له آتاجاق تؤرپو...
یازدا گه ل میشه م قیشدادا بورا,
ایچیمده بیر اوجاق مؤحتاجدیر قورا.
هر شئی چین-چین دوروب روحون ره فینده,
کلمه له ر سیرایا دوروب دیلیمده...
بیـرطورلو"بیسم ایللاه" ائده بیلمیره م,
یئددی یوز اقده مه گئده بیلمیره م...
روحوما قاناد وئر عادیل آللاهیم,
بـر که ره او گونه گئدیم قاییدیم...
بو کهنه کؤرپونون داشی دانیش سین.
دوز یئددی عصردیر شاهیدیک ائده ن,
بو کؤرپو بیـر نامه وئرسین هیمینده ن...
ای بوتون گیزلینده ن آگاه آللاهیم,
داغلاری داشلاری یاندیریب آهیم.
خئییره یوزولو نیشان وئر مه نه,
شوبهه سیز به ل لیدیر هامیسی سه نه...
نه هاردا ,کیمیندیر تک بیله ن سه ن سن...
کیمه نه لازیمدیر اونو وئره ر سن...
اوصولی التماس
سه ن ده ن ایسته میره م نه شؤه ره ت, نه شأن.
سه ن ده ن ایسته میره م بئش گونلوک آد - سان.
وار دؤوله ت, سارایلار دئییل شاکه ریم,
اؤز الیم آیاغیم اولسون نووکه ریم...
نیی یه تیم به ل لیدیر ایسته ییم دقیق,
اوستاج هئچ ایسته مه ز نه آلتون, عقیق...
موص ته فا اوغلونون ایسته یی ,تک دیر,
زائورون آرزوسو دقیق دیر یئک دیر...
نوروندان روحوما چیله بیـر مه رره,
ایی نه نین ییلدیزی اولسون پنجره.
زه رینده ن ذه رره جیک دوشسون قلب ایمه,
آیدین لیق , فه راح لیق وئرسین عقل ایمه.
ارمه ک ایسته ییره م همین گونله ره,
وارماق ایسته ییره م اوزاق دون له ره...
علمین قاپیلارین ئوزوموزه آچ,
او گول لو باغچاندان بیـر آز عه طیر ساچ.
روحوموز مست اولسون, اولسادا آن لیق,
دیلی ته ر ک ائتمه سین بیـر آن شوکران لیق.
ده ده م قورقود
سینه م ده قوپوزوم یوخدو,نئیله ییم,
سیمله ره توخونوب, مدد اوماردیم...
ده ده م قورقود روحو,کؤمه ک اول مه نه,
قوپوزون نامینا, سازین خه ط رینه...
بیـرخیشما تورپاغین داشین خه ط رینه,
یانمایان قورونون , یاشین خه ط رینه...
ارله ره آد وئریب,سان سایلامیسان,
بویلارا یول وئریب بوی بویلامیسان...
کامانین خه ط رینه, اوخون خه ط رینه,
اصلینده, وار اولان یوخون خه ط رینه,
بیـر اومید چیراغی یاندیر بو آخشام,
مه له ک له ر بیلیر کی, خئیلی بیهوشام...
بیلیره م او یولچواوباندان کئچیب,
بلکه مزار باشی قوناغین اولوب...
بیلیره م صؤح به تین اولوب اونولا,
نه یی بؤلوشموسوز, بؤلوش مه نیم له...
شاه اسماعیلا رحمت
روحونا مین رحمت شئیخ اوغلو شاهیم ...
سینه می داغلاییـر کؤکسومده آهیم...
نه قه ده ر , چه ک سه ک ده , عذاب , اذیت,
سؤزسوز, بیر گون دوغار, شمسی - فضیلت.
پارام پارچا اولوب تورکمن ائل له ری,
مین شوکور یاشاییـر یئنه دیل له ری...
هر ده فه رحمت له , آنیریق سیزی,
دویدوقجا شیپ شیرین اؤز دیلیمیزی...
قوردوغون سلطنت بو گونده یاشار,
کؤنول انگل بیلمه ز, سه رحه دی آشار...
کرکوک ده بیـر عسگر قارداش دئییرسه,
پاکستان پاشاسی سیرداش دئییرسه,
بونون ته مه لینده سه نین الین وار,
عاریف له ر آدینی رحمت له آنار...
اجدادی آنماق
اوستاجلیام الیم عرش اعلادا,
بو نه سیته م ,میل له تیم نه به لادا؟
تا شامدان سیواسا اویلاغیم اولوب,
قاراداغ ؛قاراباغ اویماغیم اولوب...
آرازا هئچ مه حه ل قویماییب اونلار,
اردبیل ؛ ایروان یول سوروب اونلار...
قارقارین یاتاغی اولوب یورد یئری,
اجدادین اوتاغی اولوب قورد یئـری...
قوتلو اجدادلارین اؤولادی ییق بیـز,
دونیانین دؤرد یانی اولوب ائویمیز...
ایندی یورد یئـرینین داشی آغلاییر...
گؤزسوز قورد پیریمین باشی آغلاییـر...
ای قوتلو اجدادین,قوتلو اؤولادی,
گه ره ک قورویاسان بو شانلی آدی...
حورریی یه ت
مین شوکور حریت اوجاقیمیز وار,
کؤلگه لیک بیـر فیـدان آغاجیمیـزوار...
ای اوجا یارالدان سه ن قورو بیـزی,
داییم , قاییم ائیله حورر ائلیمیزی.
بینه چادیرلاری داش اتاق ائیله,
اؤزون بو اولوسو؛مین بوداق ائیله...
نه قه ده ر خالقلار وار یوخ بیـر مه ته سی,
چوخونون دیلی یوخ کلمه اؤته سی...
بیـزیم سؤی که نه جه ک دایاغیمیـز وار,
حه له یول آلاجاق,اویلاغیمیـز وار...
نسیمی نی آنماق
گه زدیکجه شه هه ری,مست اولور اینسان,
هر تینده دؤنگه ده , دویغولانیرسان...
آدی مامیرلی داش,یا پاسلی ده میر,
روحونو دینجه ل ده ن بیـر اومید وئریر.
بو شه ه رین هاواسین اودوب نسیمی,
مطلق بو مسجد ده اولوب نسیمی...
بو داشی دیواری گؤروب گؤزله ری,
یقین او گونبه زه هوپوب سؤزله ری...
روحونا مین رحمت یا سئییید علی ,
یول آچدین اوستاجا , اولمادی ده لی...
بو جومعه مه س جیدی قه دیم ده ن,قه دیم,
کیتابی یازیلی , سؤیله ییر الم...
اون ایکی یوز ایللیک قویوب آرخادا,
کیم له ر گه لیب -کئچیب هامی اورتادا...
اهل قلم
شاعیرله ر شه هه ری,طبیب له ر ائلی ,
یوردا چیراغ توتان اولاما الی...
نه قه ده ر عالیمی,صنعت کاری وار,
شاماخی همیشه اولوب ضیا دار...
افضل الدین خاقانیسی بیر دوها,
عمادالدین نسیمی ده ن یوخ داها,
سید عظیمی شیروانیدیر تک آنجاق,
کیم نه بیلیر, بیرده صابیر اولاجاق؟
عباس صحت, یا دا هادی بو یئـرده,
کؤنول له رین فاتح ایدیر زیروه ده...
قصه ای – کتاب
گؤرک لو نبی خاتم اینین(ص.ا.)عشق اینه,
اهل-بیت, ده ده م قورقود عشق اینه,
شاه اسماعیل ختائی نین عشق اینه,
آزادلیغین نسیمی نین عشق اینه,
بو تورپاغین علما نین عشق اینه ,
سازین- سؤزون, قه له م - کاغیذ عشق اینه,
یارالدانیم جیغیر آچدی ,یول آچدی,
آرزو توتان قؤنچه له ریم گول آچدی.
مهربان آللاهین عزیز آدیلا,
صؤح به ته باشلادیم سؤز مورادیلا.
دوققوز مه رته به سی وار بو صؤح به تین,
ازل ده ن بیلینه گه ره ک نیی یه تین.
نه قه ده ر دقیق سه آرزو و ایسته ک,
حه یاتا او قه ده رآسان کئچه جه ک .
بیـر حیات باشلاییب,بیتیره جه ییک...
دونیایا بیـر عبرت گؤسته ره جه ییک...
بیـرینجی فه صیل
فصل بهار
میلادین 1322(مین اوچ یوز ایرمی ایکیسی ایدی).
باهار بایرامیندان بیـر آی کئچیردی.
بیر اوشاق دوغولدو صوبح اذانیلا,
هامی آخیشیردی گؤز آیدین لیغا.
آتاسی سوبحانین کئفی کؤک ایدی.
اوشاق نور توپو تک,بیـر اوغلان ایدی.
علی کؤمه ک اولسون ائتدیله ر آلقیش,
آتاسی آدینی سؤیله دی علیش.
اذان اقامه سی سؤیله ن دی بیـر- بیـر,
علی کؤمه ک اولسون آدین علیش دیر.
علیش این آدینا که سیلدی قوربان ,
قامو ته ن جه ره یه چاتدی بو پایدان.
سوبحانین یوخوسو چین اولموشدو, چین,
پای - اوروش پایلاندی هر قاپی اوچون.
هامی دوعا ائتدی کؤرپه بالایا,
دوعالار دا یئتدی حق تالایا.
گونله ر بیر- بیرینی عوض ائیله دی.
علیش ده بؤیودو, په ر وازائیله دی.
ده رسی - تعلیم اینی کامالائیله دی.
منطیق ده حسابدا بیرینجی ایدی.
ایسلامی عورفانیتامام کامال دی.
اونو دوشوندوره ن بیـرجه آمالدی.
قوروب یاراتماقدی عزم-آمالی.
مه ق صه دی بیر ایدی معمار اولمالی.
قه ل بیندهنیی یه تی دیلینده آللاه,
آمالی یولوندا ائتدی بیسمیللاه.
تبریزی,عراقی گه ز دیدولاندی.
دمشق ده باغداد داآد- سان قازاندی.
عؤمور وفا ائتدی , دؤندو وه طه نه.
یارالدان هئچ کیمی سالماز چه تینه.
قه ل بیندهنیی یه تی دیلینده آللاه,
آمالی یولوندا ائتدی بیسمیللاه.
تبریزی,عراقی گه ز دیدولاندی.
دمشق ده باغداد داآد- سان قازاندی.
عؤمور وفا ائتدی , دؤندو وه طه نه.
یارالدان هئچ کیمی سالماز چه تینه.
باهاردا دوغولدی یاز تک یاشادی.
اوغور اونون دوستو یول یولداش ایدی.
دونیانین دؤرد یانی نامی نی دویدو.
علیش که ره م لیدی,سوبحاناوغلویدو.
دؤورونون اطراف دا,تک معمارایدی.
خه به ری شیمالدا ک ن یاز دا آلدی...
ایکینجی فه صیل
شیروانشاه شئیخ ایبراهیم این حوضوروندا
موسکوا ک ن یازی دویونجا نامی.
گؤزونون اؤنون ده اوجال دی دامی.
چوخدان آرزوسوی دو, داش قالا تیکمه ک.
آنجاق لازیم ایدی بو ایشی بیلمه ک.
هر ایشی اودون دان تاختادان اولان,
یوخدو مملکت ده داشدان آنلایان.
ک ن یاز که ره م لینی سوراقلایار کن,
گؤردویو ایش له ری واراقلایارکن...
علیش شاماخی دا اوجاق باشیندا,
هر آخشام قوناق دی دوست - تانیشدا...
قیرخ دؤرد یاشینین ایچینده ایدی.
گونله ری بئله جه راوان کئچیردی.
قارلی قیش که س میشدی قاپینی چوخدان,
اوچ - دؤرد گون کئچه ر دی بؤیوک چیل له ده ن.
علیش به یه خه به رچاتدی سارای دان,
ائلچی له ر یولدادیر چیخیب لار چوخدان...
چیچه یی چیتلادی سئوین دی بیـر آز.
دوشوندو زاوال یوخ, تا ,هئچ نه اولماز.
قیرخینا کئچه ن ده,قیرخیندان سونرا,
ره قه م له رچه کیردی علیشی دارا...
قیرخ دؤرد ده ن قالمیشدی لاپ سه ک سه که ده,
ایکی دؤرد سالمیش دی اونو که مه ن ده...
ایشین ده ن گوجون ده ن الی سویموشدو.
دوغما شه هه رین ده یووا قورموشدو.
ایندی ائشیده ن ده گاویردانخه به ر,
دوشوندو یقین کی اوردادیر ظه فه ر...
دوز , بریوک چیل له نین اون بئشی(15 ای) گونو؛
ائلچی له ر سارای دا آچدی یوکونو.
باشدا قافور به ی,باراتینسکی,
اون دا(10) دا آتلی ایدی کن یاز ائلچی سی.
خه بهر آلان کیمی شئیخ ایبراهیم ده ن,
یول لاندی سارایا که ره م لیهه مه ن.
قافور به ی صؤح به ته اولدی ته رجومان,
ائلچی دانیشیردی ک ن یاز آدین دان.
شیروانشاه ته ره ددودایچینده ایدی,
علیشی گؤنده ر مه ک هئچ ایسته میردی.
بیـر آز که ره م لی نین خوشحال اوقاتی,
اساس دا ک ن یازین دوست ضه مانه تی...
آزدیردی شیروانشاه شئیخ ایبراهیمی,
گیزله ت دی بیـرآندا ایلاهی فه ه می...
قه رارا آلیندی اولاجاق سه فه ر,
شیرین دیل آلتیندا گیزله نه زه هه ر...
سه فه ره حاضیرلیق باشلادی او گون,
قافیله حاضیردی, یئتیشدی او گون...
ایرمی جی(20)جی گونویدو بؤیوک چیل له نین,
شه هه ر یولا سالدی اؤز ایلچی له رین...
قارلی بیـر گون ایدی,گونه ش سه پارلاق,
گه ره ک بیـز او گونوهئچ اونوتمایاق...
اوچونجی فه صیل
ک ن یاز دیمیتری ایوان اوغلوایله عقد
یورغون یولچولوغو ووردولار باشا,
هامی که ره م لی یه دئییردی "یاشا"...
دسته موسکوایاچاتمیشدی چوخدان,
که ره م لی حسابین توتموشدو یوخدان...
باهار بایرامینا یئددی گون قالا,
عقد ایمضالان دی ایوان اوغلویلا...
میلادین مین اوچ یوزآتمیش یئددی سی ایدی(1367)ایدی ,
اون دؤرد(14)-مارت ایدی,داها که سه سی.
ک ن یازین ماراغی تک واخت دا ایدی ,
دؤردایل علیش این واختی وارایدی...
ک ن یاز بو واختین موقابیلینده,
سرحد تانیمیردی استه ک له رینده...
ایشی واختیندان تئـز بیتیرسین دئیه,
علیش تام اختیارآلدی اؤزونه...
ک ن یاز دیمیتری دئدی: "ای بویار,
بو گونده ن اولموسان کوللیاختیار"
شاماخی لی "به ی","ار اولموشدو"بویار",
ایشینده آغایدی,کوللی -اختیار...
عقدی دؤرد(4) ایله باغلاسالاردا,
که ره م لی اوچ(3)ایلی توتدی حسابدا.
آیلیق مه واجیبی اوچ یوز(300) قیزیل پول,
اگر سونوندا ایش اولسا قبول,
زحمت حاققینی تام آلاجاقدی,
حاقق - حساب اوصول -شرق اولاجاقدی.
هر ایش یوز اؤلچولوب,بیـر یول بیچیلدی,
مه ن زیلآننا گیلین ائوی سئچیلدی.
ک ن یاز بوتون خه رجیبوینونا آلدی.
آننا نین آتاسی ناراضی قالدی.
علیش ای قوروماق مسئله سینده,
ک ن یاز ایسده میردی گوذه شته گئده
یئددی سئچمه عسگر وئردی علیشه,
علیش سه گووه ن دی تک جه بولیچه.
ائله کی هر ایشه آیدین لیق گه ل دی,
که ره م لی "قورآنا"آند ایچیب دئدی:
-" که ره م لی قالاسی اینجی اولاجاق,
بو شهری مین ایل له ر او قورویاجاق"...
دؤردونجو فه صیل
که ره م لی قالاسینین تیکینتیسی
بوتون واجیب له ری سالیب ساهمانا,
که ره م لی یئرله ش دی اؤز اوتاقینا.
ک ن یازین باجیسی ائو ایدی بورا,
اری بوبروکوو دا صاحیب اونورا.
ننای لا اوتاقی عئینی قاتدای دی,
که ره م لی بو حالدان احتیاط دایدی.
ائله بیرینجی گون دویموشدو بونو,
آننا گیزلین - گیزلین سئیر ائدیر اونو...
بو ایشی آلماییب ائله جیددی یه,
که ره م لی یوللان دی تئز تیکیندی یه .
بوتون ایشچی له ری تک-تک او سئچدی,
مین اؤلچدو, یوز اؤلچدو,بیرجه یول بیچدی...
بوتون ایشچی له رله ائیله دی صؤح به ت,
ایشین موکافاتی اولاجاق البه ت.
باهار بایرامینی قئید ائتدی علیش,
آننا نی حئیره ته سالمیشدی بو ایش...
آننا چوخ جاوان دی قیزی یئرینده,
سوزه ردی علیشی حئیره ت ایچینده...
تیکینتی ایشله ری تامام حاضیردی,
ساده جه ایلک داشی قویماق قالیردی,
باهار بایرامیندان دؤرد گون کئچه ن ده,
ک ن یازین اؤزونون دئدی یی گون ده.
بالاقووئشئن یه, ایرمی بئش - مارت(25 مارت),
بوتون شه ه ر اهلی تامام قالدی مات...
موسه ل مانکه ره م لی کیلیسه یه گئتدی ,
مه ریه مآنایا دوعالار ائتدی...
او دا هامی کیمی شامیاندیرمیشدی,
عیسامه سیح ده ن صؤح به ت آچمیشدی.
کیلیسه ده ن گه ل دی له رقالا یئرینه,
ک ن یاز ته مه ل داشین قویدو یئرینه,
یئپیسکوپ"اینجیل"ده ناوخودو بیرآز,
که ره م لی" قورآندان"اوجالتدی آواز...
بئله خئییر - دوعا سؤیله دی هامی,
یارالدان بول ائتسین ایشده ایلهامی...
بئش اینجی فه صیل
علیش و آننا
ایش له ر ووسعه تآلیب لاپ قیزیشمیش دی,
, که ره م لی نین باشی به رک قاریشمیش دی...
سوفره ده , دهلیزده, ایش اوتاغیندا,
بیر گوز گه زیردی دایم یانیندا...
آنناگؤزله رینی چه ک میردی اوندان,
باخماق ایسته ییردی ائله یاخیندان...
هر ده ن باخیشلاری توققوشان زامان,
علیش لاپ چاشیردی اوتاندیغین دان...
قیرخ بئشین ایچینده اولسادا حه له,
ساچیندان بیـر توک ده وئرمه ییب یئله.
زیل قارا ساچلاری,شه وهبیغ - ساققال,
بوی - بوخون یئرینده صیفه تی خوشحال.
زیره ک لیک, چئویک لیک ایشده مه ها ره ت,
آننا نی بوسبوتون ائیله میشدی مست...
آشکاردا؛ گیزلینده اولموشدو کؤلگه,
سون واختلار که ره م لی گه ل میش دی ته ن گه...
بیلمیردی نه ائتسین, نه ده دی چؤزوم,
بیتمیش دی جانیندا تا طاقه ت , دؤزوم...
که ره م لی گوله ر ئوز ,مهربان ایدی,
بو حالی آننایا اومید وئریردی...
جاوابسیز اولسادا عشقی آننانین,
کؤله سی اولموشدو آرتیق قالانین...
هر گون که ره م لی نین یانیندا ایدی,
سانکی , روحو اونون جانیندا ایدی...
علیش ده قالادان صؤح به ت ائده ردی,
"که ره م لی قالاسی"یئک دیر دئیه ردی ...
علیش دانیشدیقجا باخاردی آننا,
اونون گؤزله رینده آخاردی آننا...
بئله جه گونله ری چاتیب باش - باشا,
سونوندا ایش له ری ووردولار باشا...
آلتینجی فه صیل
که ره م لی قالاسی حاضیردیر
قالا حاضیر اولدی گه ل دی مونصیفله ر,
هامی آلقیش دئدی ,وار اولسون ال له ر...
گیزله ده بیلمیردی هئچ کیم حئیره تین,
"که ره م لی" اینجیدیر, تایی یوخ, چه تین...
ک ن یاز آلقیشلاری قه بولائیله دی,
هامی چوخ سئویندی,بایرام ائیله دی...
یئددینجی فه صیل
بؤیوک ک ن یازین حیله سی
یا اوردا, به ل کهده اوندان چوخ اووه ل,
ک ن یازین وه دینی دالادی زاوال...
شوبههتوخوملاری دوشدو قه ل بینه,
قورخدو تای تیکیله اونون"کرملی" – نه...
دوشونوب ,داشینیب وئردی قه راری,
دئدی:-"صاباح یولا سالاق معماری"
تاپشیردی بیر گؤزه ل مه ج لیسقورولسون,
سونوندا معمارین بوینو وورولسون...
سه ک کیزینجی فه صیل
قانلی ضیافت
میلادین مین اوچ یوزیئتمیش بیر(1371)- ایدی,
مه ج لیس اییونون ایرمی ایکی(22)سی دی...
هامی تعریف له دی دئدی ساغلیقلار,
مه ج لیس ده قالمادی داها ساییقلار...
علیش موسه ل مان دی ایچمیردی شه راب,
آننانین باخیشی وئریردی عه ذاب...
مه ج لیس سونا چاتدی دیکه ل دی ک ن یاز,
حساب تام اؤده ن دی نه چوخ,نه ده آز...
آننا دا گؤزیاشی تؤکدو نه قه ده ر,
ک ن یاز ساغوللاشیب گئده نه قه ده ر
آننا نین آناسی یاخینا گه ل دی,
علیش له یاشید دی , یا آز بؤیوکدو.
یولون آچیق اولسون ,سالاماتیاشا,
آننامین ایلک عشقی توخونوب داشا...
بلکه گئتمه یه سن, قالاسان بوردا,
آننا سه نه باخیب اؤزون اووودا...
سون واختلار علیش ده دوشموشدو تورا,
شئیطانا لعنت له چاتمیشدی بورا...
یئنه ده بیر لعنت دئدی شئیطانا,
بو واخت دهلی کازاک گیردی مئیدانا...
قیلینجی سیییریب چاپدی آرخادان,
وار گوجله بیر نعره چه ک دی آتامان...
علیشین بدن ده ن آیریلدی باشی,
آننانین دورمادی بیر آن, گؤز یاشی...
هر شئی ائله آنی ,قه فیل اولدو کی ,
علیشین اؤزوده اولموشدو ایکی...
بیری باشسیز بدن قالمیشدی یئرده,
بیری بدن سیز باش اوچوردو گؤیده
سه رخوش؛ سه ر سه م کازاکخورجونائشیردی,
آننا ساچین یولوب شیوه ن ائدیردی...
هاوادان آسیلی قالمیش دی علیش,
ائله بیل آننانی ایندیجه گؤرموش...
ایسته دی آننانی ساکیت ائله سین,
گئتمیره م قالیرام,بوردایام دئسین...
هئیهات, کیم ائشیده ر؟ تای اونون سه سین,
ائله بیر یئرده دیر گئده ر؛ گه ل مه زسین...
نه هایه تآنلادی بونو؛ که ره م لی,
ایندی چوخ اوزاقدان گؤردو "کرملین"...
دوققوزاینجی فه صیل
آننا صه داقه تی
آننا ساچین یولوب,ائدیردی شیوه ن,
علیش چالیشیردی توتسون الینده ن...
الینده ن توتوردو ؛ دویموردو آننا,
ئوزونده ن اؤپوردو گؤرموردو آننا...
تالادا های - هه شیر قوپموشدو یامان,
یوخ ایدی علیشی بیر کیمسه دویان...
تالاندی کاروانی , سویولدو نعشی,
بئله ناقیصلی یین اولماییب ائشی...
ک ن یازدا قاییتدی؛سانکی خه به رسیز,
علیش دفن اولوندو قوسلو که فه ن سیزسیز.
آننا ساچین یولوب وئردی یئل له ره,
گئتدی عیباده ته,قوربه ت ائل له ره...
مه زاری باشینا گه له ره ک هه رده ن,
هه دی یهگه تیردی گول ده ن چیچه ک ده ن...
اوزون زامان اولدو چه ک دیله رحسرت,
بیر-بیرین دویماییب ائتدیله ر صؤح به ت...
ووصالدا واریمیش دئمه قیسمه ت ده,
بیر گون آنلاشدیلار قه فیلصؤح به ت ده...
هر ده فهآننایایازیق دئیه ن له ر,
جانسیز به ده ننینی یولدا گؤردوله ر...
مسکوا ؛اسمولنسک,دوققوز(9)-جو وئرست,
یولون کئناریندا بیتمیشدی حه یات...
او واخت کی که ره م لی دویموشدو اونو,
حه یاتین اونونچون چاتمیشدی سونو..
ایندی همین یئرده؛هر ایل قومرولار,
اییوندا؛اییولدا نه غ مهاوخورلار...
کامیل لیک
یارالدان عاغیلی وئریب ؛ برابر,
کامیل کیک آختاران؛ذکاء جوجه رده ر.
ده رسی باشقاسینی سهوینده ن آلان,
اینسانلار ایچینده ان کامیل اولان.
بئله سؤیله میشدیرسئویملی مودریک,
ته ج روبهبیر داراق,که ل سه ک,نئی نیریک...
"رب زدنی علما"-دئیه ن دیل له ره,
خوش عطیرراحییه یایان گول له ره,
ای اوجا یارالدان یاردیم ائت هر دم,
آدین دوعامیزدا یاشاسین موده م...
حقیقت
یاشامین معناسی ؛ قایه سی تک دیر,
بیزه معلوم اولان حقیقت یئک دیر.
کشف ائتمه ک؛ اولانی تاپماق دئمه ک دیر.
تاپماق وار اولانا یئتمه ک دئمه ک دیر...
ته صادوفایسته ک له گؤروش آنیدیر,
ضه روره تآرزونون قول - قانادیدیر...
قضادا قه ده ر ده بیزیمله یاشار,
طالع ده ن ایسته یه ن؛ قیسمه ت ده ن آلار...
اوستاج بو سؤزله ری دئمیر بوشونا,
باخمایین هئچ اونون جاوان یاشینا...
بیر بیلسه ن روحونون کیم اولوب دوستو,
بوئوزده ن باشینین تاجی دا اوسدو...
نصیحت نامه
ایشین هئچ چه تینی ؛ آسانی یوخدو,
قه ل بی , صاف اولانین؛ گؤزوده ؛توخدو.
بیـر "اول" - آ باغلیسا,دونیادا نه وار؟
بیر دوشون چه تین لیک؛ به س نه ده اولار؟
اوجا یارالدانین گوچو سینیرسیز,
نه یی ایسته ییرسیز؛ اونو آلارسیز...
حه یات دئدیی نین دوستورو بودو,
نه ایسته ییرسن ؛ آلدیغین اودو...
مه ق صه دآیدین اولسون؛ نیی یه تده تمیز,
زحمت این ؛ بهره سین گؤره جه ک سینیز...
مناجات و سون
زائورون ال له ری بوشدا قالمادی,
آرزوسو قه له م ده؛ گولدو آغلادی...
اوصولو - اوصولو نئچه داستان باغلادی,
راضی دیر؛ مین شوکور؛ یارالدان حاقدی...
اوستاج؛بابالاردان آلیب میراثی,
سئوه ن سئویله جه ک؛اولمایین عاصی...
توقع ام ؛ شوکور ائدین,ائیله یین آلقیش ,
آرزو؛ ایسته یی نیز ؛ اولماسین قارغیش...
جلال صاحیبینه سیغینین؛ هر؛ آن,
مه قاما گووه ن یوخ هئچ واخت,هئچ زامان...
زمان و مکان
اوجا یارالدانین وئردی یی گوجله,
قه ل بیمده؛آچدیغی جیغیرلا ایزله...
زامان قئید اولدو البت؛میلادی.
مه کان باکیشهری قئیر-ایرادی.
یئددی (7)سی اییوندا؛آخشام یئددی(7) ده,
ایکی مین اون سه کگیز(2018)اولوندو سیفته...
گیریشده ن بیرینجی فه صیله کیمی,
هامیسی یازیلدی ائله او گونو...
سونرا اؤته ن گونله ر ؛ ناز ائتدی قه له م,
اوتوروب گؤزله دیم نه ائده بیل له م؟
بیرده ایرمیسی )20 (سیآخشام یئددی(7) ده؛
قه له م فعله کئچدی؛ مه ن ده بیهوده...
فه صیل له رده بیتدی گه ل دیک بوراجان,
قالدی بیرشوکرانلیق,بیر زامان؛ مکان.
ایکی مین اون سه کگیز(2018) میلادی ایله,
ایرمی بیر(21)-ایاییون صوبح اذانیلا,
قه له م ده آیریلدی هه مه نکاغیذدان,
شوکور, حمدو-ثنا قوپدوآغیزدان...
ایرمی بیر(21)-ای اییون دوغموشدو گونه ش,
قه له مین جانیندا یئنی بیر آتش...
ایندی بو سؤزله ری وه ره غهه یازیر,
جیسم بو ماسادا,روح یولون آزیر...
یئددی یوز اولین بو چاغلاریندا,
مسکوا یولوندا,یول قیراغیندا...
بیتمیش بیر عؤمورون داستانین یازیر,
بیتمیش دیر بو اثر آرتیق تام حاضیر.
شوکرانلیق
مین شوکور یارالدان,شوکور حیکمه ته,
باشلادیق ؛ سون وئردیک قه م لی صؤح به ته...
علیشین آننانین روحو شاد اولسون,
اوخویوب دینله یه ن ؛ پایدار اولسون...
2018/06/21 (11:00) باکی
زائور اوستاج
(موصطافایئو زائور موصطافا اوغلو)
"علیش و آننا"
(پوئما)
رئداکتورو رسام:شهین ثنایی فرد؛
ترتیباتچی:گولو.